Երեխաների ապօրինի որդեգրման գործով մեղադրյալ Արշակ Ջերջերյանը կմնա ազատության մեջ. ՀԺ
«Հանրապետական» ծննդատան փոխտնօրեն Արշակ Ջերջերյանը կմնա ազատության մեջ:
Դատախազության հանրային կապերի բաժնի պետ Արեւիկ Խաչատրյանը «Հայկական ժամանակ»-ի հարցին ի պատասխան տեղեկացրեց, որ Վերաքննիչ քրեական դատարանը մերժել է Ջերջերյանին գրավի դիմաց ազատ արձակելու որոշման դեմ դատախազության ներկայացրած բողոքը:
Հիշեցնենք՝ Արշակ Ջերջերյանին մեղադրանք է առաջադրվել երեխաների ապօրինի որդեգրման գործով՝ ՀՀ ՔՕ-ի 167-րդ հոդվածի 2-րդ մասի 2-րդ կետով (մի խումբ անձանց կողմից նախնական համաձայնությամբ երեխային ծնողից ապօրինի բաժանելը կամ փոխելը): 2019 թվականի տարեվերջին Քննչական կոմիտեն միջնորդություն էր ներկայացրել դատարան՝ նրա նկատմամբ կալանավորումը որպես խափանման միջոց ընտրելու համար: Դատարանը բավարարել էր կալանավորման միջնորդությունը՝ միաժամանակ թույլատրելի համարելով գրավի կիրառումը:
Մանրամասները սկզբնաղբյուր կայքում:
