Նոյակերտ գյուղի մի ամբողջ ընտանիք թունավորվել է շմոլ գազից
Երեկ երեկոյան Վեդիի բժշկական կենտրոնում հոսպիտալացվել է մի ամբողջ ընտանիք։
Sputnik Արմենիայի տեղեկություններով` մոտ 50-ից 55 տարեկան ամուսինները, նրանց երիտասարդ որդին ու հարսը, ինչպես նաև վերջիններիս 4 և 5-ամյա երեխաները բուժհաստատություն են տեղափոխվել Արարատի մարզի Նոյակերտ գյուղից։
Ըստ գյուղում շրջանառվող լուրերի՝ նրանց ինքնազգացողությունը կտրուկ վատացել է տանն արտահոսած շմոլ գազի հետևանքով։
Հիվանդանոց են մեկնել իրավապահներ, որոնք պարզում են կատարվածի մանրամասները։
