ԵՄ-ն անհանգստացած է Լիբիայում աֆրիկացի միգրանտների խնդրով
Եվրամիության համար ծայրաստիճան կարևոր է Լիբիայում աֆրիկացի միգրանտների հետ կապված իրավիճակը: ԵՄ-ն այդ հարցով մասնագիտացված կազմակերպություններին ցուցաբերում է անհրաժեշտ ֆինանսական օգնություն: Այս մասին երեքշաբթի օրը Ստրասբուրգում կայացած մամուլի ասուլիսի ժամանակ ասել է «Արտաքին գործերի և անվտանգության քաղաքականության գերագույն հանձնակատար» Ժոսեպ Բորելը:
«Մենք տեղյակ ենք այնտեղ առկա խնդիրների մասին: ԵՄ-ն կազմակերպությունների գլխավոր հովանավորն է, ներառյալ ՄԱԿ-ի գործակալությունները, որոնք զբաղվում են Լիբիայում միգրանտների հարցերով: Մենք քանի որ այնտեղ չենք աշխատում, փոխարենն աջակցում ենք այն կազմակերպություններին, որոնք զբաղվում են այդ հարցով: Եվրամիության ֆինանսավորման շնորհիվ, մոտ 40 հազար միգրանտ վերադարձել է բնակության վայր»,- ասել է ԵՄ ներկայացուցիչը:
