Բողոքի ակցիա ընդդեմ «Հյուսիս-հարավ» ճանապարհի կառուցման

Մալաթիա-Սեբաստիա վարչական շրջանի բնակիչներն այս պահին բողոքի ակցիա են իրականացնում ընդդեմ «Հյուսիս-հարավ» ճանապարհի կառուցման։

Բնակիչներն նշում են, որ ավտոճանապարհը պետք է նվազագույնը 12 մետր հեռավորություն ունենա բազմաբնակարան շենքի մուտքից, բայց իրենց խոսքով՝ ըստ նախագծի՝ այդպես չէ:

Բնակիչները ցնականում են, որ փողոցը հարմար կառուցեն, որպեսզի բնակիչները կարողանան շարունակել ապրել. «Բազմիցս նրանց հետ գնացել, զրուցել ենք։ Ասել են՝ 12 մետրանոց պատ պետք է դնեն, հետո ասել են՝ չէ պետք է ներքև իջեցնեն։ Ասել ենք, որ մարդ գա ոնց են անցնելու, ասել են, որ ալտերնատիվ ճանապարհ կտան, որոնք համապատասխան չեն։ Ոչ թե սա կապրիզ է, այլ չի ստացվում։ Մենք չենք կարողանում փողոց մտնենք, դուրս գանք»։

Նրանք նշում են, թե ճանապարհի նախագիծը խոչընդոտներ է ստեղծում իրենց անվտանգության համար: