![Փակ են Արագածոտնի մարզի Ամբերդ ամրոց, Քարի լիճ տանող ավտոճանապարհները և Լարսը. ԱԻՆ](https://auroranews.am/storage/img/base_image/old/0cce5430b50820f1e040028a74a2038b.webp)
Փակ են Արագածոտնի մարզի Ամբերդ ամրոց, Քարի լիճ տանող ավտոճանապարհները և Լարսը. ԱԻՆ
![Փակ են Արագածոտնի մարզի Ամբերդ ամրոց, Քարի լիճ տանող ավտոճանապարհները և Լարսը. ԱԻՆ](https://auroranews.am/storage/img/base_image/old/0cce5430b50820f1e040028a74a2038b.webp)
Արտակարգ իրավիճակների նախարարությունը տեղեկացնում է, որ փետրվարի 8-ին՝ ժամը 13:20-ի դրությամբ ՀՀ տարածքում կան փակ և դժվարանցանելի ավտոճանապարհներ:
Վարդենյաց լեռնանցքը փակ է բոլոր տեսակի ավտոմեքենաների համար:
Փակ են Արագածոտնի մարզի Ամբերդ ամրոց և Քարի լիճ տանող ավտոճանապարհները:
Սոթք-Քարվաճառ, Աբովյան-Հատիս, Աբովյան-Սևաբերդ, Աբովյան-Կապուտան և Անիի տարածաշրջանի ավտոճանապարհները դժվարանցանելի են:
Արագածոտնի մարզի Ապարանի և Ծաղկահովտի տարածաշրջաններում, Սյունիքի, Գեղարքունիքի մարզերի, ավտոճանապարհներին, Արթիկ-Ախուրյան ավտոճանապարհի Ջաջուռի հատվածում տեղ-տեղ առկա է մերկասառույց:
Սոթք-Քարվաճառ ավտոճանապարհին, Շիրակի մարզի Աշոցքի, Ամասիայի, Արագածոտնի մարզի Ապարանի տարածաշրջաններում բուք է:
Տավուշի մարզում, Լոռու մարզի Սպիտակ, Վանաձոր, Ստեփանավան, Տաշիր, Շիրակի մարզի Գյումրի, Գեղարքունիքի մարզի Գավառ, Սևան, Վայոց ձորի մարզի Ջերմուկ քաղաքում, Սարավան-«Զանգեր» ճանապարհահատվածին, Արագածոտնի մարզի Ապարան քաղաքում, Ծաղկահովտի տարածաշրջանում, Կոտայքի մարզի Հրազդան քաղաքում, Սյունիքի մարզի «Մեղրու սար» կոչվող հատվածում տեղում է ձյուն:
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բոլոր տեսակի ավտոմեքենաներիհամար:
ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ ռուսական կողմում կան կուտակված 940 բեռնատար, 60 մարդատար ավտոմեքենա, 1 ավտոբուս և 4 միկրոավտոբուս: