Գյումրիում և Լոռիում կոտրել են արագաչափ սարքերը
Փետրվարի 8-ին, արտակարգ դեպք է տեղի ունեցել Լոռու և Շիրակի մարզերում: Ինչպես հայտնում է ֆոտոլրագրող Գագիկ Շամշյանը, գիշերը 04:00-ի սահմաններում, անհայտ անձը կամ անձինք Գյումրի քաղաքի Թբիլիսյան խճուղու վերջնամասում տեղադրված արագաչափ սարքի արկղի ոսպնյակը կոտրել են:
Իսկ ժամը 02:10-ի սահմաններում նույն եղանակով կոտրել են Լոռու մարզի Շիրակամուտ գյուղում տեղադրված արագաչափ սարքի ոսպնյակը: Երկու դեպքերի փաստով տարածքային ոստիկանության բաժիններում, տվյալ դեպքում՝ Կումայրիի և Սպիտակի, նյութեր են նախապատրաստվում: Նշված արագաչափերը դարձել են ոչ պիտանի:
