Porsche Cayenne-ը և Նիվան բախվել են իրար
Այսօր՝ փետրվարի 7-ին, ավտովթար է տեղի ունեցել Երևանում: Ժամը 15:50-ի սահմաններում Արցախի պողոտայում բախվել են ВАЗ 2121 մակնիշի 65 AM 500 համարանիշի և Porsche Cayenne մակնիշի 35 RQ 815 համարանիշի ավտոմեքենաները:
Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, տուժածներ չկան:
Օերատիվորեն ժամանել են Երևանի ճանապարհային ոստիկանության ծառայողներն ու ապահովագրական ընկերությունների ներկայացուցիչները: Երևանի ՃՈ-ն պարզում է վարորդների ինքնությունը:
