Նավուր գյուղում հրդեհ է բռնկվել
Փետրվարի 6-ին, ժամը 14:53-ին ճգնաժամային կառավարման ազգային կենտրոն տեղեկություն է հաղորդվել, որ Տավուշի մարզի Նավուր գյուղում այրվում է անասնագոմ:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ Նավուր գյուղի 1-ին փողոցի 5-րդ նրբանցքի տներից մեկի անասնագոմին կից այրվում է կուտակած վառելափայտ:
Հրդեհը մեկուսացվել է ժամը 15:16-ին, մարվել՝ 15:38-ին: Այրվել է կուտակած վառելափայտ (մոտ 0.5 խմ):
