ԱՀԿ-ն նկատել է կորոնավիրուսով հիվանդների թվի նվազում
Չինաստանում, հինգշաբթի, փետրվարի 6-ին, առաջին անգամ գրանցվել է կորոնավիրուսով հիվանդների թվի նվազում: Այս մասին հայտարարել է Առողջապահության համաշխարհային կազմակերպության ԱՀԿ արտակարգ իրավիճակների ծրագրերի գործադիր տնօրեն Մայքլ Ռայանը, գրում է ՌԻԱ Նովոստին:
«Հիվանդության գագաթնակետին վերաբերող ենթադրություններ անելը դեռ վաղ է, բայց մենք ուրախ ենք, որ այսօր առաջին օրն է, երբ Չինաստանում հաստատված դեպքերի ընդհանուր թիվը նվազել է: Անկասկած, ենթադրություններ անելու համար դեռ վաղ է: Մենք դեռ գտնվում ենք ուժեղ բռնկման փուլում»,-ասել է նա:
