Դատարանը սանկցիա կիրառեց Ռոբերտ Քոչարյանի և Արմեն Գևորգյանի պաշտպանների նկատմամբ
Երևանի ընդհանուր իրավասության դատարանում շարունակվում է Ռոբերտ Քոչարյանի և մյուսների գործով դատական նիստը: Այս նիստի ժամանակ դատարանը որոշեց սանկցիա կիրառել Ռոբերտ Քոչարյանի և Արմեն Գևորգյանի պաշտպանների նկատմամբ, քանի որ վերջիններս ներկա չէին դատական նախորդ նիստին:
Դատարանն արձանագրեց՝ պաշտպանները դատարան չներկայանալու պատճառ չեն ունեցել, ուստի, նրանց վարքագիծը միտված էր դատական նիստը խոչընդոտելուն:
