Քաղավիացիայի կոմիտեն՝ Միլան-Երևան չվերթի ընթացքում առաջացած խնդիրների մասին
ՀՀ քաղաքացիական ավիացիայի կոմիտեն հայտարարություն է տարածել՝ տեղեկացնելով, որ ուշադրության կենտրոնում է պահում հունվարի 28-ին Միլան-Երևան չվերթի հետ կապված մտահոգությունները:
Դրանում, մասնավորապես, ասված է.
«Հարգելի քաղաքացիներ,
ՀՀ Քաղաքացիական ավիացիայի կոմիտեն իրազեկված է «Ռայանէյր» ավիաընկերության հունվարի 28-ի Միլան-Երևան FR4456 չվերթի ընթացքում առաջացած խնդիրների մասին՝ կապված որոշ ուղևորների չփոխադրման հետ: Միաժամանակ ՔԱԿ-ի կողմից վերոգրյալ խնդրի վերաբերյալ տեղեկացվել է «Ռայանէյր» ավիաընկերության ղեկավարությանը:
Ձեր իրավունքների մասին հստակ տեղեկություն կարող եք գտնել ԵՄ կանոնադրության փաստաթղթից՝ հատուկ ուշադրություն դարձնելով 1-9ը հոդվածներին: ԵՄ կանոնադրությանը կարող եք ծանոթանալ հետևյալ կայքից՝ eur-lex.europa.eu:
Խնդիրների դեպքում կարող եք նաև դիմել «ՓԱՍԵՆՋԵՐ.ԷՅԵՄ» ՍՊԸ-ին /PASSENGER.AM/ ձեր իրավունքները պաշտպանելու համար»:
