Ասել եմ՝ ծիտիկներին շան տեղ պետք չէ դնել․ Ալեն Սիմոնյան

Այսօր ԱԺ-ում լրագրողների հետ զրույցում  ԱԺ փոխնախագահ Ալեն Սիմոնյանը՝ անդրադառնալով այն տեսակետին, թե ֆեյսբուքյան իր էջում իր կողմից կատարված մեկնաբանությունը պետք է քննի Էթիկայի  հանձնաժողովը, ասաց․ «Ես նման բան Արզումանյանի հասցեին չեմ գրել, ես նրան պատասխանել եմ՝ դուք-ով։ Հետագայում, որ խոսքը գնացել է ծիտիկների մասին, ասել եմ՝ ծիտիկներին շան տեղ պետք չէ դնել։ Եթե մարդիկ կան, որ ծիտիկների հետ կապված ուզում են դիմել էթիկայի հանձնաժողով, որ ծիտիկներին ասել եմ՝ շան տեղ չդնել, դեմ չեմ, թող դիմեն, կարող են նաեւ ՄԱԿ-ին դիմել»։ 

Անդրադառնալով դիտարմանը, որ վերջին շրջանում ԱԺ-ում քննարկումներն անցնում են անձնական դաշտ՝ Սիմոնյանը նշեց, որ կառուցողական չեն և ընդդիմությունն ասելիք չունի․ «Քիչ առաջ ընդդիմության ներկայացուցչներից մեկն ասաց, որ մարդիկ անմեղսունակ են․ հիմա դա անձնական դաշտ անցնել է համարվու՞մ, ուստի պետք է օբյեկտիվ լինենք և ասենք, որ ընդդիմությունն իր բերած յուրաքանչյուր օրենսդրական նախաձեռնություն՝ մեզ անձնական մեղադրանքներ հասցնելով է փորձում արդարացնել»։