Փաշինյանը՝ Կուտոյանի մահվան մասին
Այսօր Կառավարություն-Աժ հարցուպատասխանի ժամանակ իմքայլական պատգամավոր Տիգրան Կարապետյանը վարչապետ Նիկոլ Փաշինյանին հարցրեց ԱԱԾ Նախկին տնօրեն Գեորոգի Կուտոյանի մահվան վերաբերյալ նրա ունեցած դիրքորշման մասին։
Վարչապետը, պատասխանելով պատգամավորի հարցին, ասաց, որ դեպքը շատ ցավալի է և հանգամանքները ամբողջական բացահայտման համար շահագրգիռ կլինեն նրա ընտանիքի անդամները և պետք է լիարժեք համագործակցեն նախաքննական մարմինների հետ։
«Ասել եմ, և էլի եմ ասում, երաշխավորում եմ, որ կառավարությունն իր բոոր լծակները կօգտագործի, որ այս գործը մինչև վերջին դետալը բացահայտվի։ Նախորդ իշխանության որոշ ներկայացուցիչներ աղմուկ են բարձրացրել, որ կառավարությունը պատշաճ վերաբերմունք չի ցուցաբերել Կուտոյանի մահվան կապակացությամբ։ Վարչապետին ենթակա ԱԱԾ պատվո պահակախումբը իր ներկայությամբ պատվել է Կուտոյանի հոգեհանգիստի, հուղարկավորության արարողությունը։ ԱԱԾ տնօրենի պաշտոնակատարը, ողջ անձնակազամը, ԱԱԽ քարտուղարը որպես վարչապետի ներկայացուցիչ։ Իսկ ինչ պետք է աներ, ես լրատվամիջոցի հարցին ի պատասխան ասել եմ, ցավակցություն եմ հայտնել, իսկ ուրիշ ինչ պիտի աներ կառավորությունը։ Իսկ ինչու այդ նույն մարդիկ հարցը չէին բարձրացնում, երբ Հայկ Հարությունյանի հետ էր կապված դեպք եղել։ Ինչ, վերաբերմունքի տարբերություններ ունենք»,-ասաց վարչապետը։
