Ռոբերտ Քոչարյանի պաշտպանները բոյկոտել են նիստը

Ռոբերտ Քոչարյանի պաշտպանները չեն ներկայացել Քոչարյանի եւ մյուսների գործով դատական այսօրվա նիստին։  

«Փաստն է, որ սույն քրեական գործով դատական քննության ժամանակ պաշտպանական կողմի նկատմամբ դատավարության մասնակիցների, մասնավորապես՝ տուժող կողմից մշտապես դրեսւորվել է անհարգալից վերաբերմունք, բազմիցս հնչել են վիրավորական արտահայտություններ: Սակայն դատարանը երբեւէ համարժեք միջոցներ չի ձեռնարկել նշված երեւույթները կանխելու համար:

Նախորդ դատական նիստին տուժողի իրավահաջորդներից մեկը հնչեցրել է սպառնալիք, որոնց որեւէ ողջամիտ արձագանք չի տրվել։

Ակնհայտ է, որ դատարանը  ամեն կերպ փորձում է կոծկել տուժող կողմի ոչ իրավաչափ գործողությունները՝ դրանով կասկածի տակ դնելով իր անաչառությունը:

Ակնհայտ է՝ նման պայմաններում մենք հայտնվում  ենք անհավասար պայմաններում: Չենք կարողանում լիաժեք իրացնել մեր իրավունքներն ու պարտականնությունները»- ասված է նրանց ներկայացրած միջնորդության մեջ։