ԼՈՒՍԱՆԿԱՐՆԵՐ. Քիչ առաջ արտակարգ դեպք Վանաձորում․ հրդեհ է բռնկվել ուսանողական հանրակացարանում
Քիչ առաջ արտակարգ դեպք է տեղի ունեցել Լոռու մարզի Վանաձոր քաղաքում․ տեղի ուսանողական հանրակացարանում խոշոր հրդեհ է բռնկվել։
Դեպքի վայրից «Հայկական ժամանակ»-ի թղթակիցը հայտնում է, որ նախնական տեղեկություններով՝ կան տուժածներ, որոնք հիմնականում ծխահարվել են։
Տեղում են մեծ թվով հրշեջ-փրկարարներ, ծառայություն են իրականացնում շտապ օգնության մի քանի խմբեր։ Այս պահին փրկարարական աստիճաններով վերին հարկերից տարհանում են քաղաքացիներին։
Կտրվի լրացուցիչ տեղեկություն:
