Տոնական օրերին թանգարաններ է այցելել 14.662 այցելու

Տոնական օրերին Երեւանի թանգարաններ է այցելել ավելի քան 14.662 այցելու, որից 2746-ը՝ մինչև 18 տարեկան: Այցելուների թվում են նաեւ զբոսաշրջիկները:

Թիվը հրապարակել է ԿԳՄՍ նախարարությունը: Նշենք,որ Ամանորի տոնական օրերին մշակութային կյանքի ակտիվացման նպատակով 2019 թվականի դեկտեմբերի 31-ից մինչև 2020 թվականի հունվարի 7-ը բաց են եղել ԿԳՄՍ նախարարության ենթակա մի շարք թանգարաններ: 

Ամանորի տոնական միջոցառումների շրջանակում նախարարության ենթակայությամբ գործող թանգարանների մուտքը մինչև 18 տարեկանների համար եղել է անվճար: