Ինքնաթիռի ընկնելու պահին հեռախոսազանգ չի եղել. Ուկրաինայի դատախազությունը հերքում է
Մամուլում հրապարակումներ եղավ այն մասին, որ Թեհրանում կործանված ուկրաինական Boeing 737-800 ինքնաթիռի անձնակազմի անդամներից մեկը վթարի ընթացքում զանգահարել է մորը և հայտնել, որ ինքնաթիռն ընկնում է կրակոցների պատճառով:
Ուկրաինայի գկխավոր դատախազությունից հերքել են այս տեղեկությունը: Ըստ Դատախազության` նման զանգ անձնակազմի անդամների կողմից չի գրանցվել:
Հիշեցնենք՝ «Ուկրաինական ավիաուղիներ»-ին պատկանող Boeing 737-800 ինքնաթիռը, որն իրականացնում էր Թեհրան-Կիեւ չվերթը, կործանվել է Իմամ Հոմեյնիի անվան օդանավակայանից դուրս գալուց 2 րոպե անց: Աղետի արդյունքում զոհվեց 176 մարդ:
