Ամերիկացի զինվորականներին նախապես զգուշացվել է սպասվող հարվածների մասին. Welt
Իրաքում տեղակայված ամերիկյան ռազմաբազաների վրա Իրանի հարվածները հասցվել են դիտավորյալ թիրախային կետերից քիչ հեռու: Այս մասին գրում է գերմանական Welt պարբերականը:
ԶԼՄ-ներում տեղեկություններ են տարածվել, որ ամերիկացի զինվորականներին նախապես զգուշացվել է սպասվող հարվածների մասին: Վերջիններս հասցրել են նախազգուշական միջոցառումներ ձեռնարկել և թաքնվել: Բացի այդ, հրթիռների մեծ մասն ընկել է թիրախ հանդիսացող բազաներից քիչ հեռու, պնդում է պարբերականը: «Դա ավելի շատ նման է խաղաղության առաջարկի, քան մահացու հարվածի: Այնուամենայնիվ իրանական պետությունը պահպանել է իր դեմքը»,- գրում է պարբերականը:
Ռազմաբազաների հրթիռակոծման հետևանքով վնասի չափը մեծ չէ, զոհեր չկան: Թեհրանը ցանկանում է զերծ մնալ կոնֆլիկտի հետագա էսկալացիայից և տոտալ առճակատումով հետաքրքրված չէ, պնդում է Welt պարբերականը:
