ՀՀ կառավարության որոշմամբ 2020 թվականի հուլիսի 1-ին եւ դրանից հետո ծնված` առաջին եւ երկրորդ երեխայի ծննդյան կապակցությամբ նշանակվող երեխայի ծննդյան միանվագ նպաստի չափը կսահմանվի 300 հազար դրամ։

Առաջին երեխայի ծնվելու դեպքում այն ավելանում է 250 հազար դրամով, իսկ երկրորդ երեխայի ծնվելու դեպքում` 150 հազար դրամով:

Վարչապետը նշեց, որ այս որոշմամբ ցանկանում են խթանել, որ քաղաքացիները երեխաներ ունենան եւ խթանեն, որ աշխատանքի շուկայում համապատասխան հմտություններ ունեցող մայրերը հնարավորինս արագ վերադառնան աշխատանքի:

Նա նշեց, որ սա ուղղված է կանանց ներգրավվածությունը հանրային տնտեսական կյանքում մեծացնելուն: