2020-ը պետք է ռազմավարական խնդիրների լուծմամբ զբաղվելու ժամանակաշրջան դառնա. Փաշինյան

Վարչապետ Նիկոլ Փաշինյանը աշխատանքային տարվա մեկնարկի կապակցությամբ շնորհավորել է կառավարության թիմին, ապա հայտարարել, որ 2019-ին կառավարությունը կարողացել է լուծել իր օրակարգում եղած կարճաժամկետ խնդիրները։

«2020-ը պետք է մեզ համար արդեն ռազմավարական խնդիրների լուծմամբ ավելի շատ զբաղվելու ժամանակաշրջան դառնա»,-ասել է վարչապետը։ 

Անդրադառնալով նոր տարվան՝ վարչապետն ասել է, որ տարին բավականին լավ են սկսել, ու ՀՀ քաղաքացիներին ուղղված նոր հայեցակարգն ընդունելի է եղել Հայաստանի քաղաքացիների ու զբոսաշրջիկների համար։ Այդ փորձը հաշվի առնելով՝ հաջորդ Ամանորը պետք է սկսել կազմակերպել արդեն հիմա։