ՊՆ ծառայողին ու վերջինիս 16-ամյա տղային դանակահարողը կամավոր ներկայացել է ոստիկանություն
Այսօր՝ հունվարի 8-ին, ոստիկանության Արաբկիրի բաժնի քրեական հետախուզության բաժանմունքի (բաժնի պետ Արմեն Վաթյանի գլխավորությամբ) և Հայաստանի քննչական կոմիտեի Երևան քաղաքի քննչական վարչության Արաբկիրի քննչական բաժնի քննիչների կողմից կատարված միջոցառումների և բացատրական աշխատանքների արդյունքում ոստիկանության Արաբկիրի բաժին է ինքնակամ ներկայացել Երևան քաղաքի Վրացական փողոցի բնակիչ՝ 33-ամյա Հայկ Ազիզյանը։
Ինչպես հայտնում է ֆոտոլրագրող Գագի Շամշյանը, վերջինս կասկածվում է հունվարի 3-ին Վրացական փողոցի 17 շենքի մոտ ՊՆ ծառայող 47-ամյա Հայկ Հ-ին և նրա 16-ամյա տղային դանակահարելու մեջ։ Կասկածյալ Հ. Ազիզյանը ոստիկանության Արաբկիրից բաժնից տեղափոխվել է Արաբկիրի քննչական բաժին։
