Դատապարտյալների հիվանդանոցում կալանավոր է մահացել
Դատապարտյալների հիվանդանոցում մահացել է 45-ամյա կալանավոր Կարեն Ծաղիկյանը։
Այս մասին հայտնում են Քրեակատարողական վարչության մամուլի ծառայությունից։
Նշվում է, որ Կարեն Ծաղիկյանը տառապում էր բնական իխթիոզ, քրոնիկ հեպատիտ, հեպատիտ «Ց», երկրորդային սակավարյունություն, բարդացած բարձր աստիճանի կարճատեսություն, ակնագնդի սուբտրոֆիա, քրոնիկ թարախային մեզոթիմպանիտ ձախից, դժվարալսություն, բերանի խոռոչի ռեցիդիվող կանդիդոզ, պնևմոսկլերոզ, քրոնիկ երիկամային անբավարարություն հիվանդություններով:
Կալանավորված անձի մահվան պատճառը ճշտելու նպատակով կատարվում է քննություն, նշանակվել է դատաբժշկական փորձաքննություն։
