Հրդեհ Երևանի կարի արհեստանոցներից մեկում
Հայաստանի ԱԻՆ-ում, այսօր՝ դեկտեմբերի 27-ին, ժամը 04:52-ին «911» ծառայություն ահազանգ է ստացվել, որ Երևանի Միկոյան փողոցում գտնվող «Արև» սուպերմարկետի մոտակայքում այրվում է կարի արհեստանոց (կրպակ):
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, որոնցից մեկն անհրաժեշտությունը վերանալու պատճառով վերադարձել է:
Պարզվել է, որ հրդեհը բռնկվել է Միկոյան փողոցի թիվ 17 շենքի մոտակայքում գտնվող կարի սրահում:
Հրդեհը մեկուսացվել է ժամը 05:01-ին, մարվել՝ 05:49-ին: Այրվել է սրահը՝ գույքով (մոտ 8 քմ):
