20-ամյա վարորդը Opel-ով խոշոր վթարի է ենթակվել. վերջինս հիվանդանոցում է

Դեկտեմբերի 26-ին, խոշոր ավտովթար է տեղի ունեցել Կոտայքի մարզում։ Ժամը 22։00-ի սահմաններում Երևանի բնակիչ՝ 20-ամյա Գ. Ճաճոյանը իր վարած Opel մակնիշի 35 AN 226 համարանիշի ավտոմեքենայով Աբովյան-Նոր Հաճն ավտոճանապարհի՝ Երևան-Սևան հատվածի վերգետնյա կամրջի վրա դուրս է եկել ճանապարհի երթևեկելի գոտուց, բախվել էլեկտրասյանն ու քարերին և գլխիվայր շրջվել։ 

Ինչպես հայտնում է ֆոտոլրագրող Գագիկ Շամշյանը, վթարի հետևանքով 2 հոգի մարմնական վնասվածքներով տեղափոխվել են «Աբովյան» բժշկական կենտրոն։ Տեղում հետաքննչական աշխատանքները ղեկավարել է նույն վաշտի ավագ հետաքննիչ Մայիս Բադոյանը, ում կողմից փաստի առթիվ նյութեր են նախապատրաստվում։ Ոստիկանությունը պարզում է վիրավորների ինքնությունը։