Զոհված զինծառայող Արթուր Աջամյանի հարազատները հրավիրվեցին Փաշինյանի հետ հանդիպման
ՀՀ վարչապետ Նիկոլ Փաշինյանը հանդիպման հրավիրեց կառավարության առջև բողոքի ակցիա իրականացնողներին:
Հիշեցնենք, որ այսօր կառավարության առջև բողոքի ակցիա են իրականացնում 26 օր առաջ բանակում մահացած Արթուր Աջամյանի հարազատները: Նրանք պահանջում են բացահայտել՝ ինչ հանգամանքներում է մահացել Արթուրը:
Նիկոլ Փաշինյանի հետ հանդիպման գնացին Աջամյանի մայրը, հորեղբայրը և պապիկը:
Հիշեցնենք, որ Նիկոլ Փաշինյանի օգնական Նաիրի Սարգսյանն ընդառաջ էր եկել կառավարության առջև բողոքի ակցիա իրականացնողներին: Նա, լսելով, որ ակցիայի մասնակիցները պահանջում են վարչապետի հետ հանդիպում, նրանց ասել էր, որ վարչապետը ցանկացել է իջնել և հանդիպել բողոքի ակցիա իրականացնողներին, սակայն իմացել էր, որ փողոց է փակվել, ետ էր վերադարձել աշխատասենյակ:
