Մեքենան բախվել է կայանած Mercedes-ին ու կողաշրջվել. վարորդին առաջին օգնության են հասել ականատեսները

Այսօր՝ դեկտեմբերի 26-ին, խոշոր ավտովթար է տեղի ունեցել Երևանում։ Ժամը 20։20-ի սահմաններում Mercedes մակնիշի 36 QT 294 համարանիշի ավտոմեքենայի վարորդը Բեկնազարյան փողոցում՝ «Էնցո» կահույքի սրահի դիմաց, բախվել է ճանապարհի թույլատրելի հատվածում կայանված Mercedes մակնիշի 41 GP 044 համարանիշի ավտոմեքենային։ 

Ինչպես դեպքի վայրից հայտնում է ֆոտոլրագրող Գագիկ Շամշյանը, բախման հետևանքով Mercedes մակնիշի 36 QT 294 համարանիշի ավտոմեքենան կողաշրջվել է։ Ըստ նախնական տեղեկությունների՝ վթարի հետևանքով, բարեբախտաբար, տուժածներ չկան։

Ավտոմեքենան քաղաքացիների օգնությամբ դարձի բերվեց և քարշակի միջոցով տեղափոխվեց անվտանգ վայր։ Դեպքի վայրում հավաքվածներն ասում էին, որ վարորդին առաջինը օգնության են հասել կահույքի սրահի աշխատակիցները։