«Չոքեց ոտքերիս տակ, ասեց՝ ես քո հետ եմ, ո՞ւր ա»․ զոհված զինծառայողի մայր

Մահացած զինվոր Արթուր Իշխանի Աջամյանի հարազատները պահանջում են հանդիպում ՀՀ վարչապետ Նիկոլ Փաշինյանի հետ, նրանք չեն գնա այնքան ժամանակ մինչեւ չխոսեն  զինվորի մահվան պատճառների մասին։

«Խնդրում եմ ձեզ՝ թույլ տվեք մտնեմ Նիկոլ Փաշինյանի մոտ, իրեն տեսնեմ, խնդրեմ՝ բացահայտեն: Ես վիրավորի հետ էլ եմ ուզում խոսել, տեսնեմ՝ ի՞նչ է ասում։ 

Նաիրա Զոհրաբյան, ո՞ւր ա էդ լիրբը, իրան լրբի տեղ դրեց, չոքեց ոտքերիս տակ, ասեց՝ ես քո հետ եմ, ինչի՞ համար, թո՛ղ ինքն էլ գա էստեղ։ Անդրանիկ Քոչարյանը փափուկ բարձ դրեց գլխիս տակ, ասեց՝ տիկին ջան, դու գնա քո երեխու արարողությունն արա, հողին հանձնի, ես քո կողքին կանգնած եմ: Հիմա զանգում եմ Անդրանիկ Քոչարյանին՝ զանգերիս չի պատասխանում»,- ասում էր զայրացած մայրը:

Նշենք, որ քիչ առաջ քաղաքացիները դուրս եկան կառավարության շենքից և դրսում շարունակում են սպասել վարչապետ Նիկոլ Փաշինյանի հետ հանդիպմանը։