Վանաձոր-Ալավերդի ավտոճանապարհին հրդեհ է բռնկվել. դեպքի վայր է մեկնել 42 հրշեջ-փրկարար

Դեկտեմբերի 25-ին, ժամը 03:35-ից հրդեհաշիջման աշխատանքները վերսկսելու նպատակով դեպքի վայր է մեկնել 42 հրշեջ-փրկարար: Այս մասին հայտնում են ԱԻՆ-ից:

Հիշեցնենք, որ դեկտեմբերի 24-ին, ժամը 09:33-ին «911» ծառայություն տեղեկություն է հաղորդվել, որ Վանաձոր-Ալավերդի ավտոճանապարհի 15-րդ կմ-ից հարավ ընկած անտառային հատվածում հրդեհ է բռնկվել։

Դեպքի վայր են մեկնել ԱԻՆ ՓԾ մարզային փրկարարական վարչության և հրշեջ-փրկարարական ջոկատի օպերատիվ խմբերը:

Ժամը 18։08-ին մթության պատճառով աշխատանքները դադարեցվել են։ Մոտ 40 հա անտառածածկ տարածքում այրվել են տերևներ, կոճղեր և բուսածածկ տարածք։

Հրդեհաշիջման աշխատանքներին մասնակցել են նաև «Հայանտառ» ՊՈԱԿ-ի «Գուգարքի անտառտնտեսություն» մասնաճյուղից 15 աշխատակից և Եղեգնուտ գյուղի 10 բնակիչ. սահմանվել է հերթապահություն։