Վարորդներին հորդորում ենք դեռևս չշտապել 2020 թվականի կարմիր գծերի վճարման հարցում

Վերջին օրերին Auroranews խմբագրություն զանգահարում են բազմաթիվ վարորդներ և հետաքրքրվում՝ արդյո՞ք սպասվելիք փոփոխություն կա կարմիր գծերի վճարումների համակարգում: 

Վարորդները մտավախություն են հայտնում, որ եթե հիմա՝ 2019 թվականին,  վճարեն կարմիր գծանշումների համար սահմանված գումարը 2020 թվականին այն կարող է համարվել չվճարված։

Auroranews-ը կապ հաստատեց «Փարկինգ Սիթի Սերվիս» կազմակերպության հետ հասկանալու՝ արդյո՞ք կա որևէ փոխոխություն և ինպես են իրականացվելու 2020 թվականի կարմիր գծանշումների վճարումները: 

«Փարկինգ Սիթի Սերվիս»-ի աշխատակիցը մեզ հետ զրույցում ասաց, որ բոլոր հարցերը կկարգավորվեն Երևանի ավագանու առաջիկա նիստից հետո: 

«Դժվար է հիմա կոնկրետ պատասխան տալը, 2020 թվականի կամիր գծանշումների վճարումների իրականացման կարգավորումը կհստակեցվի դեկտեմբերի 25-ին կայանալիք Երևանի ավագանու նիստից հետ։ Սակայն մենք հորդորում ենք վարորդներին, որ վարորդները 2020 թվականի  կարմիր գծանշումների համար վճարումներ չկատարեն, այլ սպասեն ավագանու նիստի որշմանը»,- ասաց աշխատակիցը։