ՏԵՍԱՆՅՈՒԹ. Սիդնեյի առևտրի կենտրոնում նվերների պատճառով մարդիկ միմյանց տապալել են գետնին. կան վիրավորներ
Ավստրալիայում գրեթե 20 մարդ Է տուժել Սիդնեյի առևտրի կենտրոններից մեկում նվերների նախատոնական բաժանման ժամանակ սկսված հրմշտոցից: Այդ մասին հայտնում է 9News հեռուստաալիքը:
Միջադեպը տեղի Է ունեցել դեկտեմբերի լույս 24-ի գիշերը Westfield Parramatta առևտրի կենտրոնում: Հրմշտոցն սկսվել Է այն բանից հետո, երբ շենքի առաստաղից սկսել են իջնել օդապարիկներ, որոնց ներսում ընծայական քարտեր և այլ նվերներ են եղել:
ABC հեռուստաալիքի տվյալներով՝ միջոցառմանը հավաքվել Էր մի քանի հարյուր մարդ: Խաղարկության սկսվելուց հետո մարդիկ գնացել են նվերների հետևից՝ գետին տապալելով միմյանց: Ստացած վնավածքների պատճառով հինգ հոգու տեղափոխել են հիվանդանոց, ևս 12-ին օգնություն են ցույց տվել տեղում:
