Քիչ առաջ վրաերթ է տեղի ունեցել Վայոց Ձորի մարզում. հետիոտնը մահացել է
Այսօր՝ դեկտեմբերի 24-ին, մահվան ելքով վրաերթ է տեղի ունեցել Վայոց Ձորի մարզում։ Ժամը 18։50-ի սահմաններում Վայք քաղաքում Եղեգնաձոր քաղաքի բնակիչ՝ 26-ամյա Ռոման Թ-ն իր վարած Mеrcedes մակնիշի 34 TA 797 համարանիշի ավտոմեքենայով վրաերթի է ենթարկել ճանապարհը անթույլատրելի հատվածով անցնող մոտ 60 տարեկան տղամարդ հետիոտնի։
Ինչպես հայտնում է Shamshyan.com-ը վրաերթի ենթարկվածը տեղում մահացել է, վարորդը փախուստի չի դիմել, փորձել է օգնություն ցուցաբերել վրաերթի ենթարկվածին, ահազանգել է հիվանդանոց, և օպերատիովրեն ժամանած բժիշկներն արձանագրել են հետիոտնի մահը։ Փաստի առթիվ ռազմական ոստիկանությունում նյութեր են նախապատրաստվում, ոստիկանությունն ու ռազմական ոստիկանությունը պարզում են վարորդի և մահացածի ամբողջական տվյալները։ Գ. Շամշյանի տեղեկություններով՝ վարորդը ծառայում է ՀՀ ՊՆ ռազմական ոստիկանության Վայքի բաժնում՝ որպես քրեական հետախուզության օպերլիազոր։
