Արմեն Թավադյանը հրաժարվում է որևէ կերպ առնչություն ունենալ ՀՔԾ-ի հետ. պաշտպան

«5-րդ ալիքի» սեփականատեր Արմեն Թավադյանը հրաժարվում է որևէ կերպ առնչություն ունենալ ՀՔԾ-ի հետ։ Այս մասին լրագրողների հետ զրույցում ասել է Թավադյանի պաշտպան Հովհաննես Խուդոյանը, գրում է news.am-ը: 

Նշենք, որ այսօր Արմեն Թավադյանը ձերբակալվել է, ըստ ոստիկանության, ՀՀ երկրորդ նախագահ Ռոբերտ Քոչարյանի աջակից Վարուժան Մկրտչյանի վերաբերյալ քրեական գործով։

Պաշտպանը հայտնել է, որ Թավադյանն այս գործի վերաբերյալ որեւէ վերաբերմունք չի դրսեւորել, ցուցմունք չի տվել. «Գտնում է, որ իրեն այս գործով քրեական հետապնդման ենթարկելու որեւէ հիմք չկա։ Սա ինչ-որ իմաստով քաղաքական գործունեության, որպես ԶԼՄ-ի սեփականատեր, լռեցնելու նպատակով է արվել»։