13-րդ թոշակ ստանալու մասին լուրերը սուտ են

13-րդ թոշակ կլինի, թե՞ ոչ։ Auroranews-ը չի դադարում այս հարցով զանգեր ստանալ։ Քաղաքացիները հետաքրքրվում են՝ ստանալո՞ւ են 13-րդ թոշակ, թե ոչ և լուրն որքանով է ճիշտ։ 

Հարգելի քաղաքացիներ, ևս մեկ անգամ նշենք, որ լուրը չի համապատասխանում իրականությանը։ Հիշեցնենք՝ Ամեն ինչ սկսվեց այն բանից հետո, երբ Հայաստանի ֆուտբոլի ֆեդերացիայի նախկին նախագահ Արթուր Վանեցյանի խորհրդական Զոհրապ Եգանյանը գրել էր, որ սոցիալական արդարությունը վերականգնելու համար պետք է հենց այս տարի 13-րդ թոշակ ստանան բոլոր թոշակառուները, չէ՞ որ պետական ապարատը ստանում է մեծ պարգևավճարներ, որոնք նույնիսկ միլիոնների են հասնում, իսկ, օրինակ, երկու միլիոն դրամ մեկ մարդու տալու փոխարեն կարելի է 40 թոշակառուի տալ 13-րդ թոշակ։ 

Եգանյանի այս գրառումը որոշ կայքեր տարածել էին, և տեղեկությունն այնպես էր ընկալվել, թե կարծես թոշակառուները 13-րդ թոշակ են ստանալու:

Հրապարակումներին անդրադարձել էր աշխատանքի և սոցիալական հարցերի նախարար Զարուհի Բաթոյանը, նշելով. «Էժան ապատեղեկատվություն է. չկա նման բան»: