Վրացի քրեական հեղինակություն Կախա Ռուսթավսկին Ֆրանսիայում դատապարտվել է ցմահ ազատազրկման

Վրացի քրեական հեղինակություն Կախաբեր Շուշանաշվիլին (Կախա Ռուսթավսկի) Ֆրանսիայում ցմահ դատապարտվել է: 

Այդ մասին հայտնում է Prime Crime լրատվական գործակալությունը: 

Ֆրանսիայի Էքս-ան-Պրովանս քաղաքի դատարանը ցմահ բանտարկության է դատապարտել Կախա Ռուսթավսկուն՝ 2010 թվականին Լադո մականունով օրենքով գող Վլադիմիր Ջանաշիայի սպանությունը պատվիրելու համար: 47-ամյա Կախա Ռուսթավսկին երրորդ անգամ է դատապարտվում: Ինքըՙ Ռուսթավսկին չի ընդունում իր մեղքը և հերքում է օրենքով գողերի շրջապատից լինելը: 

Կախա Ռուսթավսկի  ավագ եղբայրը Լաշա Ռուսթավսկին, ում համարում են վրացական մաֆիայի պարագլուխը Եվրոպայում, 2018 թվականից գտնվում է Հունաստանի բանտերից մեկում: