Պաշտոնական Կիևը բողոքի նոտա է հղել Մոսկվային ՌԴ-ի նախագահ Վլադիմիր Պուտինի կողմից Ղրիմի կամրջի երկաթուղային մասի երթևեկության բացման մասով: Այս մասին հայտարարություն է տարածել Ուկրաինայի արտաքին գործերի նախարարությունը: 

Հիշեցնենք, որ ՌԴ-ի նախագահ Վլադիմիր Պուտինն այսօր պաշտոնապես բացել Է Կերչի նեղուցով Ղրիմի կամրջի երկաթուղային մասի երթևեկությունը:

Թամանում կայացած հանդիսավոր արարողությանը պետության ղեկավարը մեկնումի հրաման է տվել, և Ղրիմ ուղևորվող առաջին գնացքը Սանկտ Պետերբուրգի Մոսկովսկի կայարանից շարժվել է Սևաստոպոլ:

Ըստ Կիևի, Ղրիմի կամուրջի վերաբերյալ Ռուսաստանի գործողությունները ակնհայտորեն խախտում են ՄԱԿ-ի «Ծովային օրենքի մասին» կոնվենցիան և երկրների միջև պայմանավորվածությունները, ինչպես նաև «հակասում են միջազգային իրավունքի նորմերին և սկզբունքներին»: