Երևանում թալանել են Արմավիր քաղաքի նոտարի Porsche Cayenne-ը
Երեկ՝ դեկտեմբերի 21-ին, ոստիկանության Շենգավիթի բաժին է դիմել Երևան քաղաքի Շենգավիթ վարչական շրջանի բնակիչ, 46-ամյա Յուրա Եղիազարյանը և հայտնել, որ դեկտեմբերի 20-ի ժամը 23:00-ից մինչև դեկտեմբերի 21-ի ժամը 11:00-ն ընկած ժամանակահատվածում անհայտ անձը կամ անձինք, տեխնիկական միջոցների գործադրմամբ, իր բնակության շենքի բակից գողացել են իրեն պատկանող Porsche Cayenne մակնիշի 77 NN 775 համարանիշի ավտոմեքենայի առջևի լուսարձակները:
Ինչպես հայտնում է ֆոտոլրագրող Գագիկ Շամշյանը, դեպքի վայր է ժամանել ոստիկանության Շենգավիթի բաժնի հետաքննչական բաժանմունքի խումբը՝ հետաքննիչի գլխավորությամբ: Գ. Շամշյանի տեղեկություններով, տուժած Յու. Եղիազարյանը ոստիկաններին հայտնել է, որ ինքը աշխատում է Արմավիր քաղաքի նոտար:
