ՏԵՍԱՆՅՈՒԹ. Մոսկվայում հարբած ուղևորին օդանավակայանից դուրս են հանել ճամպրուկների համար նախատեսված փոխադրամիջոցով
Այսօր Մոսկվայի Վնուկովո օդանավակայանում ոստիկանները ստիպված են եղել ուղևորին փոխադրել ճամպրուկների համար նախատեսված փոխադրամիջոցով: Նախնական տվյալներով նա այնքան հարբած է եղել, որ չի կարողացել ինքնուրույն քայլել: Այս մասին տեղեկացնում է 360tv.ru կայքը:
Տեսանյութում պարզ երևում է, որ նա չի կարողանում ինքնուրույն տեղաշարժվել և անգամ ոտքի վրա կանգնել: Միևնույն ժամանակ նա սարսափելի կերպով ոռնում է: Նրա նկատմամբ ոչ մի բռնի ուժ չի կիրառվել:
Դեռևս հնարավոր չի եղել պարզել՝ տղամարդն արդյոք հարբած է եղել, թե եղել է հիվանդ և նրա մոտ նոպա է սկսվել:
