«Ժամանակ». ՔՊ-ի որոշումը. փոխվում է համայնքապետերի ընտրման կարգը
«Ժամանակ» թերթը գրում է.
«ՀՀ կառավարությունը ներկայացրել է Ընտրական օրենսգրքում փոփոխություններ կատարելու փաթեթ, որով առաջարկվում է 4 հազարից ավելի ընտրող ունեցող, ինչպես նաև մինչև 4 հազար ընտրող ունեցող բազմաբնակավայր համայնքներում կատարել անցում համայնքի ավագանու ընտրության համամասնական ընտրակարգի, որով օրենսդրական մակարդակով համայնքի ներկայացուցչական մարմնի համար կընձեռվեն մրցակցային պայմաններ, կապահովվի լայն քաղաքական ներգրավվածություն և ուժերի հարաբերակցություն:
Ըստ այս փոփոխության՝ համայնքապետը կընտրվի ոչ թե ուղղակի ընտրության միջոցով, այլ ավագանու կազմից, ավագանու անդամների կողմից: Պարզ է, որ այս օրենսդրական փոփոխությունը ՔՊ-ի արձագանքն է վերջին շրջանում տեղի ունեցած համայնքապետի ՔՊ-ի համար ձախորդ ընտրություններին, և իշխանությանը թվում է, թե համամասնական ընտրակարգով ավելի հեշտ կլինի համայնքները իրենց վերահսկողության տակ վերցնել»:
Առավել մանրամասն՝ թերթի այսօրվա համարում
