Հարցված քաղաքացիներն ամենաբարձրը գնահատել են Դավիթ Տոնոյանի աշխատանքը

«GALLUP International Association»-ի իրականացված հարցումների համաձայն` Հայաստանում քաղաքացիներն ամենաբարձր գնահատականը տվել են ՀՀ պաշտպանության նախարար Դավիթ Տոնոյանի կատարած աշխատանքին: Այս մասին դեկտեմբերի 20-ին հրավիրված մամուլի ասուլիսի ընթացքում հայտնեց «GALLUP International Association»-ի Հայաստանում լիիրավ անդամ Էմ Փի ՋԻ ՍՊԸ տնօրեն Արամ Նավասարդյանը:

«Քաղաքացիներին խնդրել ենք գնահատել նախարարների և կառույցների աշխատանքը 1-5 բալային սանդղակով, որտեղ 1-ը` նվազագույն, 5-ը առավելագույն գնահատականն է: Ամենաբարձր միջինացված գնահատականները ստացել է ՀՀ պաշտպանության նախարար Դավիթ Տոնոյանը` 4 բալ: Ամենացածր բալը` 2.7 բալ, ստացել է ՀՀ կրթության, գիտության, մշակույթի և սպորտի նախարար Արայիկ Հարությունյանը»,- ասաց Նավասարդյանը:

Հարցումներն արվել են նոյեմբերի 9-ից դեկտեմբերի 1-ն ընկած ժամանակահատվածում: Հարցումներին մասնակցել է 1517 քաղաքացի: