ՏԵՍԱՆՅՈՒԹ. Բողոքի ակցիա Վարդենիս-Արցախ ավտոճանապարհին
Ներկա պահին բողոքի ակցիա է ընթանում Վարդենիս-Արցախ ավտոճանապարհին: Auroranews-ը կապ հաստատեց բողոքի ակցիայի մասնակիցների հետ, հասկանալու` որն է դժգոհության պատճառը: Մեզ հետ զրույցում Վարդենիսի բնակիչ Երվանդ Կարապետյանը հայտնեց, որ ցուցարարների նպատակն է դատական համակարգից հեռացնել դատավոր Վահագն Մելիքյանին, որը ըստ ցուցարարների կատարել է մի շարք անարդար դատավճիռներ:
Բնակիչները պնդում են , որ ապօրինի կայացված դատական որոշումներն անհապաղ պետք է վերանայել: Ցուցարար Երվանդ Կարապետյանը հայտնեց, որ ճանապարհը կբացվի այն ժամանակ, երբ Արդարադատության նախարար Ռուստամ Բադասյանը ներկայանա և զրուցի իրենց հետ:
Մեր զրուցակիցը նաև հայտնեց, որ «Իմ Քայլը» խմբակցության պատգամավոր Թագուհի Թովմասյանը տեղյակ է տիրող իրավիճակին և հայտնել, որ շուտով կժամանի Վարդենիս:
Տեղում են նաև ոստիկանները և ապահովում են հարարակական կարգը, իրավիճակը խաղաղ է:
