Ինչ վերաբերում է Ռ. Քոչարյանին՝ թող հաղթի արդարությունը․ Արման Հովհաննիսյան

Երգիչ, ՀՀ վաստակավոր արտիստ Արման Հովհաննիսյանն իր ինստագրամյան էջում անդրադարձել է  Հայաստանի և Ռուսաստանի արվեստի և մշակույթի շուրջ 60 հայազգի գործիչների՝ Ռոբերտ Քոչարյանին ազատելու կոչին։ 

Նա մասնավորապես գրել է․

«Սիրելի՛ հայրենակիցներ, հաշվի առնելով իմ անձին առնչվող համացանցում տարածված տեղեկությունները քաղաքական գործընթացների շուրջ, ցանկանում եմ հրապարակայնորեն հայտարարել , որ և՛ նախկինում, և՛ ներկայում, և՛ ապագայում զերծ եմ մնացել և զերծ եմ մնալու որևէ քաղաքական գործընթացից՝ շարունակելով հավատարիմ մնալ իմ սկզբունքներին: Ինչ վերաբերում է ՀՀ երկրորդ նախագահ Ռ. Քոչարյանին՝ թող հաղթի արդարությունը»: