ՀՀ դրոշի գույներով կոնֆետի հայտնի քանդակը կզարդարի Երևանը
Հայաստանի Հանրապետության դրոշի գույներով կոնֆետի հայտնի քանդակը կզարդարի Երևանը: Այս մասին այսօր լրագրողների հետ զրույցում ասաց ՀՀ կրթության, գիտության, մշակույթի և սպորտի նախարարի տեղակալ Նարինե Խաչատուրյանը:
«Կոնֆետի քանդակը Երևանում է, այն նվեր է տրված ՀՀ կառավարությանը և դեկտեմբերի 25-ին «Տաշիր սթրիթ»-ում կլինի բացումը: Կարծում եմ, որ ևս մեկ ուրախ կետ կավելանա մեր քաղաքում»,-ասաց Նարինե Խաչատուրյանը:
Նշենք, որ Լոուրենս Ջենկելի ստեղծագործությունները զարդարել են Փարիզի Գեորգ V-ի հայտնի պողոտան:
