ՏԵՍԱՆՅՈՒԹ․ Բողոքի ակցիաներ Իրաքում. մեկ օրում 40 մարդ է զոհվել
Վերջին մեկ օրում Իրաքի տարբեր շրջաններում ոստիկանության հետ ցուցարարների բախումների հետևանքով 40 մարդ է զոհվել։ Ինչպես հաղորդում է apnews.com-ը, անկարգությունների մեծ մասը տեղի է ունեցել երկրի հարավում, որտեղ սպանվել է 36 ցուցարար, հաղորդվում է 245 վիրավորի մասին։ Եվս 4 ցուցարար զոհվել է Բաղդադում, երբ ուժայինները մարտական փամփուշտներով կրակել են ցուցարարների ուղղությամբ։ Իրաքում հոկտեմբերի 1-ից սկսված բողոքի ցույցերի ընթացքում զոհվել է ավելի քան 350 մարդ, վիրավորվել են հազարավոր մարդիկ:
