Առեղծվածային դեպք․ Բնակարանում անգիտակից վիճակում հայտնաբերվել են մայր ու որդի
Երեկ՝ նոյեմբերի 28-ին, առեղծվածային դեպք Շիրակի մարզում, բնակարանում անգիտակից վիճակում հայտնաբերվել են մայր ու որդի։ Ինչպես հայտնում է shamshyan.com-ը, ժամը 15:15-ի սահմաններում ոստիկանության Մուշի բաժին ահազանգ է ստացվել, որ Մուշ-2 թաղամասի 30 շենքի 32-րդ բնակարանի բնակիչները 5 օր է, չեն արձագանքում դռան և հեռախոսազանգերին: Ոստիկանները դիմել են Արտակարգ իրավիճակների նախարարության փրկարար ծառայության Գյումրու թիվ 48 հրշեջ-փրկարարական ջոկատ, որտեղից ժամանած փրկարարները, բացելով տան դուռը, խոհանոցի հատակին հայտնաբերել են նշված տան բնակիչներ 82-ամյա Մանյա Մ.-ի և նրա որդուն՝ 49-ամյա Անդրանիկ Ք.-ին:
Լրատվականիտեղեկություններով՝ Մանյա Մ.-ի մոտ բժիշկները ախտորոշել են «աջ ազդոսկրի վզիկի փակ կոտրվածք» և, ըստ բժիշկների հայտարարության, նա ի վիճակի չէ կատարվածի մասին բացատրություն տալու, քանի որ գտնվում է վերակենդանացման բաժանմունքում:
