BYD մակնիշի ավտոմեքենայում առաջացած հրդեհը մարել են քաղաքացիները
Այսօր՝ նոյեմբերի 28-ին, արտակարգ դեպք է տեղի ունեցել Արարատի մարզում: Ժամը 10:10-ի սահմաններում Արտակարգ իրավիճակների նախարարության փրկարար ծառայության 9-11 օպերատիվ կառավարման կենտրոն ահազանգ է ստացվել, որ Մասիս քաղաքի Երևանյան փողոցում գտնվող թիվ 1 հիմնական դպրոցի մոտ հրդեհ է բռնկվել կայանված վիճակում գտնվող BYD մակնիշի 407 ԼՕ 61 համարանիշի ավտոմեքենայում: Ինչպես հայտնում է shamshyan.com-ը, մինչ դեպքի վայր կժամանեին ԱԻՆ ՓԾ Արարատի մարզային հրշեջ-փրկարարները, քաղաքացիները իրենց ուժերով մարել են ավտոմեքենայում առաջացած հրդեհը: Այրվել է ավտոմեքենայի շարժիչի հատվածն՝ ամբողջությամբ:
