Վարչապետ Նիկոլ Փաշինյանը նոյեմբերի 26-ին նոր որոշում է ստորագրել՝ հանձնաժողով ստեղծելու վերաբերյալ։ Հանձնաժողովը քննելու է Նոր Հաճնի Իսահակյան փողոցի 2-րդ շենքի 11 բնակարանում տեղի ունեցած պատահարը։ Հանձնաժողովի նախագահը պատահարի քննության ավարտից հետո վարչապետին է ներկայացնելու տեղեկատվություն քննության արդյունքների մասին:

Դեպքը տեղի էր ունեցել նոյեմբերի 16-ին խոհանոցում տեղադրված գազի կաթսայից առաջացած շմոլ գազի հետևանքով։ Մահացել էր Կոտայքի մարզի բնակիչ 77-ամյա Ժաննա Սիմոնյանը և նրա չորս թոռնիկները: