Հայկ Հովհաննիսյանը վայր դրեց մանդատը. նա նոր պաշտոն ունի

Երևանի ավագանու «Իմ քայլը» խմբակցության անդամ Հայկ Հովհաննիսյանը մանդատից հրաժարվելու դիմում է ներկայացրել: Այս մասին հայտնեց Երևանի քաղաքապետ Հայկ Մարությանն ավագանու հերթական նիստում։

Հովհաննիսյանը նշանակվել է Նորք Մարաշ վարչական շրջանի ղեկավարի տեղակալ։

Ավագանու անդամը մանդատը վայր դնելու մասին գրել է նաև ֆեյսբուքյան իր էջում:

«Շնորհակալությունս եմ հայտնում բոլոր նրանց, ովքեր տվել էին ինձ այս հնարավորությունը` ինչ–որ կերպ ձեզ օգնելու, աջակցելու, ձեր խնդիրները բարձրաձայնելու համար։ Մի տարվա ընթացքում փորձեցի անել հնարավորը, մեր քաղաքին օգուտ տալու համար։ Հուսով եմ ինձանից գոհ եք։ Վստահ եմ` իմ գործընկերները դեռ շատ կաշխատեն ի օգուտ մեր քաղաքի և քաղաքացիների»,–գրել է նա։

Հովհաննիսյանը նշել է, որ այսուհետ փորձելու է օգտակար լինել Նորք-Մարաշ վարչական շրջանին։