ՏԵՍԱՆՅՈՒԹ․ Դերասանին սպառնացած երթուղային տաքսու վարորդը հայտնաբերվել է

Դերասան Արտյոմ Կարապետյանին սպառնացած երթուղային տաքսու վարորդը հայտնաբերվել է: Այս մասին հայտնում են Ոստիկանությունից:

Հիշեցնենք, որ ավելի վաղ հայտնել էինք` դերասանն ահազանգել է, որ երթուղային տաքսու վարորդը սպառնացել է կտրել իր վիզը: 

«Պարզվում ա՝ օրը ցերեկով մայրաքաղաքի մեջ մի ինչ-որ գազելի շոֆեր կարա դանակ հանի ու օրը ցերեկով ուզենա իմ վիզը կտրի՝ ոչ ավել, ոչ պակաս կնոջս աչքի առաջ: Դեպքը որ եղել է, դիմացի մայթում կանգնած էր ոստիկանության մեքենա, հույս կար, որ կենդանի կմնայի, բայց ոչ մի ձայն-ծպտում չլսվեց»,- ասել էր դերասանը:

Այնուհետ, ոստիկանությունից հայտնել էին` Արտյոմ Կարապետյանի պարանոցը կտրելու փորձի դեպքի հիման վրա նյութեր են նախապատրաստվում: