Մովսես Հակոբյանն ազատվել է Գլխավոր ռազմական տեսչի պաշտոնից
ՀՀ վարչապետ Նիկոլ Փաշինյանի որոշումներով աշխատանքից ազատվել են գլխավոր ռազմական տեսուչ Մովսես Հակոբյանը, նրա առաջին տեղակալ Կամո Քոչունցը եւ տեղակալ Վաչագան Ներսիսյանը: Այս որոշումները վարչապետը ստորագրել է այսօր:
«Ղեկավարվելով «Հանրային ծառայության մասին» Հայաստանի Հանրապետության օրենքի 6-րդ հոդվածի 4-րդ մասով և «Պետական կառավարման համակարգի մարմինների մասին» Հայաստանի Հանրապետության օրենքի 9-րդ հոդվածի 10-րդ մասով՝ Կամո Քոչունցին ազատել գլխավոր ռազմական տեսչի առաջին տեղակալի պաշտոնից»,- նշված է որոշման մեջ:
Մովսես Հակոբյանին եւ Վաչագան Ներսիսյանը նույնպես նույն հիմքերով են ազատվել:
Հիշեցնենք, որ թե՛ Հակոբյանը, թե՛ Քոչունցը եւ թե՛ Ներսիսյանն այս պաշտոններում նշանակվել են հեղափոխությունից հետո:
