Թուրքիայի զինամթերքի պահեստում պայթյունի հետևանքով 17 մարդ է վիրավորվել
Սիրիային սահմանամերձ Շանլըուրֆա նահանգի 20-րդ զրահատանկային բրիգադում երեկ երեկոյան պայթյուն է տեղի ունեցել զինամթերքի պահեստում: Այս մասին տեղեկացնում է cnnturk.com կայքը:
Նահանգապետ Աբդուլլահ Էրինը տեղեկացրել է, որ միջադեպի հետևանքով կա 17 վիրավոր, որոնցից 16-ը զինվորականներ են, մեկը՝ քաղաքացիական անձ:
Տեղի է ունեցել երկու պայթյուն՝ Երևանի ժամանակով ժամը 23:30-ին և 23:45-ին:
Նահանգապետը նշել է, որ վիրավորները շարունակում են բուժում ստանալ հիվանդանոցում, նրանց կյանքին վտանգ չի սպառնում: Էրինը նշել է, որ պայթյունը տեղի է ունեցել տեխնիկական պատճառներով և որևէ կապ չունի ահաբեկչության հետ:
